எஸ்பிஐ வங்கி பல்வேறு கால அளவுகளில் டெபாசிட் செய்து கொள்ளும் வசதிகளை வாடிக்கையாளர்களுக்கு வழங்கி வருகிறது. அதாவது 46 நாட்களில் இருந்து 179 நாட்கள் வரையிலும், 180 நாட்கள் முதல் 210 நாட்கள் வரையிலும், 211 நாட்கள் முதல் ஒரு வருடத்திற்கும் குறைவான காலம் வரையிலான டெபாசிட்டுக்கான வட்டி விகிதம் 25-75 அடிப்படை புள்ளிகள் உயர்த்தியுள்ளது.
இதற்கு முன்பு 2023ம் ஆண்டு டிசம்பர் 27ம் தேதி டெபாசிட்டுக்கான வட்டி விகிதத்தை எஸ்பிஐ வங்கி உயர்த்தியது. டெபாசிட்டுகளுக்கு எவ்வளவு வட்டி விகிதம் வழங்குகிறது என்பதைப் பார்ப்போம்.
7 நாட்கள் முதல் 45 நாட்கள் வரை 3.50%
46 நாட்கள் முதல் 179 நாட்கள் வரை 4.75%
180 நாட்கள் முதல் 210 நாட்கள் வரை 5.75%
211 நாட்கள் முதல் 1 வருடத்திற்கும் குறைவான கால அளவு கொண்ட டெபாசிட்டுக்கு 6% வட்டி விகிதம் வழங்குவதாக தெரிவித்துள்ளது.
அதேபோல் 1 ஆண்டு முதல் 2 ஆண்டுகள் வரை 6.80%
2 ஆண்டுகள் முதல் 3 ஆண்டுகள் வரை 7.00%
3 ஆண்டுகள் முதல் 5 ஆண்டுகள் வரை 6.75%
5 ஆண்டுகள் மற்றும் 10 ஆண்டுகள் வரை 6.50% வட்டி வழங்குவதாக அறிவித்துள்ளது.
இதேபோல் மூத்த குடிமக்களுக்கான ஃபிக்ஸட் டெபாசிட் திட்டங்களுக்கான வட்டி விகிதமும் உயர்த்தப்பட்டுள்ளது.
இந்த வைப்புத்தொகையில் மூத்த குடிமக்களுக்கு 0.5 சதவிகிதம் வரை வட்டி விகிதம் உயர்த்தப்பட்டுள்ளது. ஏழு நாட்கள் முதல் பத்து வருடங்களில் முதிர்ச்சியடையும் டெபாசிட்டுகளுக்கு 4 முதல் 7.5% வரையிலான விகிதங்களை எஸ்பிஐ வழங்குகிறது.
7 நாட்கள் முதல் 45 நாட்கள் வரை 4%
46 நாட்கள் முதல் 179 நாட்கள் வரை 5.25%
180 நாட்கள் முதல் 210 நாட்கள் வரை 6.25%
211 நாட்கள் முதல் 1 வருடத்திற்கும் குறைவானது 6.5%
1 ஆண்டு முதல் 2 ஆண்டுகளுக்கு குறைவாக 7.30% வட்டி வழங்கப்படும் என எஸ்பிஐ தெரிவித்துள்ளது.
fixed Returns வேணுமா.... NCD-ல் investment செய்வது எப்படி?