പറഞ്ഞുവരുന്നത് നിക്ഷേപകർക്ക് പ്രിയപ്പെട്ട പോസ്റ്റ് ഓഫീസ് ആവർത്തന നിക്ഷേപത്തെ (RD) പറ്റി തന്നെ. എല്ലാ മാസവും 100 രൂപ മുതൽ നിക്ഷേപിക്കാൻ അവസരമുണ്ട്. ഏതൊരു സാധാരണക്കാരനെയും നിക്ഷേപമോഹിയാക്കുന്ന പദ്ധതികളിൽ ഒന്നാണിത്. കോമ്പൗണ്ടിംഗ് ഫീച്ചർ തന്നെയാണ് ഈ നിക്ഷേപത്തെയും അതുല്യമാക്കുന്നത്.
മാസം 100 രൂപ മുതൽ നിങ്ങൾക്ക് നിക്ഷേപിക്കാൻ സാധിക്കും. നിക്ഷേപിക്കുന്ന തുകയ്ക്ക് നിങ്ങൾക്ക് ഒരു നിശ്ചിത പലിശ നിരക്ക് ലഭിക്കും. കേന്ദ്ര സർക്കാർ പദ്ധതി ആയതുകൊണ്ട് പണം നഷ്ടമാകുമെന്ന ഭയം വേണ്ട. ആദായ നികുതി നിയമം 1961 -ന്റെ സെക്ഷൻ 80സി പ്രകാരം ഒരു സാമ്പത്തിക വർഷം 1.5 ലക്ഷം രൂപ വരെ നികുതി ആനുകൂല്യങ്ങളും ഇവിടെ നിക്ഷേപകർക്ക് ആസ്വദിക്കാം.
നിക്ഷേപത്തിന്മേൽ ആവശ്യഘട്ടങ്ങളിൽ വായ്പ ലഭിക്കുമെന്നതും നേട്ടമാണ്. ചില നിബന്ധനകൾക്ക് വിധേയമായി നിക്ഷേപം അകാലത്തിൽ പിൻവലിക്കാനും ഓപ്ഷനുണ്ട്. നിങ്ങളുടെ അടുത്തുള്ള ഏതൊരു പോസ്റ്റ് ഓഫീസ് ബ്രാഞ്ച് സന്ദർശിച്ചും നിങ്ങൾക്കൊരു ആർഡി അക്കൗണ്ട് തുറക്കാനാകും. നിക്ഷേപത്തിൽ മേൽ പരമാവധി നേട്ടം ലഭിക്കാൻ തവണകൾ മുടങ്ങാതെ ശ്രദ്ധിക്കണം.
ഒരു ആർഡി അക്കൗണ്ട് തുടങ്ങുകയെന്നതു വളരെ ലളിതമാണ്. ഇതിന് ഉപയോക്താവിന്റെ ആധാർ കാർഡ്, പാൻ കാർഡ്, വിലാസത്തിന്റെ തെളിവ്,
ചെക്ക് അല്ലെങ്കിൽ നിക്ഷേപിക്കാനുള്ള പണം (ആദ്യ തവണ) എന്നിവ മാത്രമാണ് ആവശ്യം. 100 രൂപതുടെ ഗുണിതങ്ങളായി നിക്ഷേപം ക്രമീകരിക്കാം. പരമാവധി നിക്ഷേപ തുക ഇല്ലെന്നതും ശ്രദ്ധേയമാണ്. കൂടുതൽ നിക്ഷേപിച്ച് നേട്ടം കൊയ്യാമെന്നു സാരം.
നിങ്ങൾക്ക് 5 വർഷം, 6 വർഷം, 7 വർഷം, 8 വർഷം, 9 വർഷം അല്ലെങ്കിൽ 10 വർഷം വരെ നിക്ഷേപ കാലാവധികൾ ലക്ഷ്യമാണ്. കുറഞ്ഞ നിക്ഷേപം 5 വർഷമാണ്. നിലവിൽ ആർഡി നിക്ഷേപങ്ങൾ സാധാരണ പൗരന്മാർക്ക് പ്രതിവർഷം 6.7 ശതമാനം പലിശ വാഗ്ദാനം ചെയ്യുന്നുവെന്ന് ഇന്ത്യ പോസ്റ്റ് വെബ്സൈറ്റ് വ്യക്തമാക്കുന്നു. മുതിർന്ന പൗരന്മാർക്ക് പ്രതിവർഷം അര ശതമാനം അധിക പലിശ കിട്ടും.
സുരക്ഷിതവും ലാഭകരവുമായ നിക്ഷേപ പദ്ധതിയാണ് നിങ്ങൾ തെരയുന്നതെങ്കിൽ, പോസ്റ്റ് ഓഫീസ് ആർഡി സ്‌കീം വളരെ അനുയോജ്യമായിരിക്കും. പദ്ധതിയെ പറ്റ്ി കൂടുതൽ അറിയുന്നതിന്:
https://www.indiapost.gov.in/Financial/pages/content/post-office-saving-schemes.aspx
(മുകളിൽ പറഞ്ഞ കാര്യങ്ങൾ നിലവിൽ ലഭ്യമായ വിവരങ്ങൾ പ്രകാരമാണ്. നിക്ഷേപങ്ങൾക്കു മുമ്പ് ഉറപ്പുവരുത്തുക.)
