പോളിസി മനസിലാക്കുക
ഉപയോക്താക്കളിൽ ഭൂരിഭാഗത്തിനും തങ്ങളുടെ പോളിസികളെ കുറിച്ച് വേണ്ടത്ര അറവില്ലെന്നതാണ് സത്യം. നിയമം നിഷ്‌കർഷിക്കുന്നതുകൊണ്ട് മാത്രം പേരിന് ഒരു പോളിസി എടുക്കുന്നവർ ഏറെയാണ്. പലപ്പോഴും പ്രീമിയം കുറയ്ക്കാനായി ബേസിക് കവർ മാത്രം എടുക്കപ്പെടുന്നു. പക്ഷെ ക്ലെയിം സമയത്താകും തങ്ങൾ കാണിച്ച മണ്ടത്തരം അവർ തിരിച്ചറിയുക.
കിഴിവുകൾ, കവറേജ് പരിധികൾ, ഒഴിവാക്കലുകൾ, വാഹനത്തിന്റെ ഉപയോഗത്തെ സംബന്ധിച്ച ഫൈൻ പ്രിന്റ് തുടങ്ങിയ പ്രധാന ഘടകങ്ങൾ പൂർണമായി മനസിലാക്കിയിരിക്കണം. പോളിസി അടുമുടി മനസിലാക്കിയിരിക്കണം.
ക്ലെയിം ഫയൽ ചെയ്യുന്നതിലെ കാലതാമസം
ഒരു അപകടം ഉണ്ടായാൽ അത് റിപ്പോർട്ട് ചെയ്യുന്നതിനും, ക്ലെയിം അപേക്ഷ സമർപ്പിക്കുന്നതിനും ഒരു സമയപരിധിയുണ്ട്. മിക്ക ഇൻഷുറൻസ് പോളിസികളും ഉടൻ തന്നെ കാര്യങ്ങൾ റിപ്പോർട്ട് ചെയ്യാൻ അനുശാസിക്കുന്നു. കാലതാമസം ക്ലെയിം പ്രക്രിയയെ സങ്കീർണ്ണമാക്കും. കേടുപാടുകൾ കൃത്യമായി വിലയിരുത്തുന്നതിനോ, തെറ്റ് നിർണയിക്കുന്നതിനോ വേണ്ടിയാണിത്.
അപൂർണ്ണമായ വിവരങ്ങൾ
ഒരു കാർ ഇൻഷുറൻസ് ക്ലെയിം ഫയൽ ചെയ്യുമ്പോൾ, എല്ലാ വിശദാംശങ്ങളും പ്രധാനമാണ്. അപൂർണമോ, കൃത്യമല്ലാത്തതോ ആയ വിവരങ്ങൾ ക്ലെയിം നിരസിക്കാൻ കാരണമാകാം. സംഭവത്തിന്റെ വിവരണം മുതൽ വ്യക്തിഗത വിവരങ്ങളും, നാശനഷ്ടത്തിന്റെ വ്യാപ്തി സംബന്ധിച്ച വിശദാംശങ്ങളും, എഫ്‌ഐആർ സംബന്ധിച്ച് വിവരങ്ങളും ആവശ്യമാണ്.
ലഹരി
മദ്യത്തിന്റെയും മയക്കുമരുന്നിന്റെയും ലഹരിയിൽ വാഹനമോടിക്കുന്നത് ക്ലെയിം നിരസിക്കപ്പെടാൻ ഇടയാക്കും. കാർ ഇൻഷുറൻസ് പോളിസികളുടെ ഗുരുതരമായ ലംഘനമാണിത്. കൂടാതെ ഇത്തരം സാഹചര്യങ്ങളിൽ ഇൻഷുറൻസ് കമ്പനികളും, വാഹന വകുപ്പും നിങ്ങൾക്കെതിരേ കേസെടുക്കാം. ഇത് കനത്ത പിഴകൾക്കും, ക്ലെയിം നിരസിക്കലിനും വഴിവയ്ക്കും.
പ്രീമിയത്തിലെ വീഴ്ച
ഇന്നു പലതും ഇൻഷുറൻസിന് വേണ്ടത്ര മുൻമഗണന നൽകുന്നില്ല. പലരും പ്രീമിയങ്ങൾ കൃത്യസമയത്ത് അടയ്ക്കുന്നതിൽ വീഴ്ച വരുത്തുന്നു. പിന്നെ അടയ്ക്കാം എന്ന ധാരണയിൽ കാര്യങ്ങൾ മറക്കുന്നവരും ഏറെയാണ്. കൃത്യസമയത്ത് പ്രീമിയം അടച്ചില്ലെങ്കിൽ നിങ്ങളുടെ പോളിസിയുടെ സാധുത നഷ്ടപ്പെടും. നോൺ കവറേജ് കാലയളവിൽ ക്ലെയിമുകളൊന്നും ലഭിക്കില്ല.
വാഹനത്തിലെ പരിഷ്‌കാരങ്ങൾ
പലരും ഇന്നു വാഹനങ്ങൾ മോടിപിടിപ്പിക്കാൻ ആഗ്രഹിക്കുന്നു. കമ്പനിയുടെയും, നിയമത്തിന്റെ പിന്തുണയും ഇല്ലാത്ത ഏതൊരു മോഡിഫിക്കേഷൻ ഇൻഷുറൻസ് ക്ലെയിം നിരസിക്കാൻ ഇടയാക്കും. പ്രകടനം മെച്ചപ്പെടുത്തൽ, സൗന്ദര്യാത്മക കാരണങ്ങൾ, അല്ലെങ്കിൽ വൈകല്യ പൊരുത്തപ്പെടുത്തലുകൾ എന്നിവയ്ക്കായി നടത്തുന്ന മാറ്റങ്ങൾ യഥാസമത്ത് ഇൻഷുറൻസ് കമ്പനികളെ അറിയിക്കണം. വാഹനത്തിന്റെ നിറം മാറ്റുന്നതു പോലും ക്ലെയിം നിരസിക്കാൻ കാരണമാകാം. വാഹനത്തിന്റെ ഒറിജിനൽ സ്പെസിഫിക്കേഷനുകളെ അടിസ്ഥാനമാക്കിയുള്ളതാണ് പോളിസികൾ അനുവദിക്കുന്നത്.
അനധികൃത ആവശ്യങ്ങൾക്ക് വാഹനം ഉപയോഗിക്കുന്നത്
നിങ്ങളുടെ പോളിസിയിൽ അംഗീകരിക്കാത്ത ആവശ്യങ്ങൾക്കായി വാഹനം ഉപയോഗിക്കുന്നതും ക്ലെയിം നിരസിക്കുന്നതിനു വഴിവയ്ക്കാം. വാണിജ്യ ആവശ്യങ്ങൾക്കായി ഒരു വ്യക്തിഗത വാഹനം ഉപയോഗിക്കാൻ സാധിക്കില്ല. ഇത്തരം കേസുകളിൽ ക്ലെയിം അസാധുവാക്കിയേക്കാം.
നിയമ, സുരക്ഷാ ചട്ടങ്ങൾ പാലിക്കുന്നതിലെ പരാജയപ്പെടൽ
ട്രാഫിക് നിയമങ്ങളും, സുരക്ഷാ ചട്ടങ്ങളും പാലിക്കുന്നത് നിർണായകമാണ്. ഇൻഷ്വർ ചെയ്തയാൾ നിയമം ലംഘിക്കുന്ന സമയങ്ങളിലും ക്ലെയിം ലഭിക്കില്ല. അമിതവേഗം, ട്രാഫിക് സിഗ്‌നലുകളുടെ അവഗണന എന്നിവ പോലുള്ള കാരണങ്ങൾ തന്നെ.
ശരിയായ ഡോക്യുമെന്റുകളുടെ അഭാവം
സമഗ്രമായ ഡോക്യുമെന്റേഷന്റെ അഭാവവും തിരിച്ചടിയാണ്. വാഹനം ഓടിക്കുന്ന സമയത്ത് കൃത്യമായ രേഖകൾ കൈയ്യിൽ കരുതണം. ഇന്നു സർക്കാർ നിഷ്‌കർഷിക്കുന്ന ഡിജിറ്റൽ രേഖകൾക്കും സാധുതയുണ്ട്. അപകട സമയത്ത് ക്ലെയിമിനായി, പോലീസ് റിപ്പോർട്ടുകൾ, സംഭവത്തിന്റെ ഫോട്ടോഗ്രാഫുകൾ, മുറിവുകളുണ്ടെങ്കിൽ മെഡിക്കൽ റിപ്പോർട്ടുകൾ, സാക്ഷി മൊഴികൾ എന്നിവ സമർപ്പിക്കണം.
ശ്രദ്ധിക്കേണ്ട കാര്യങ്ങൾ
- കാർ ഇൻഷുറൻസ് കൈകാര്യം ചെയ്യുമ്പോൾ നിങ്ങൾ പൂർണമായും പരിരക്ഷിതരാണെന്ന് ഉറപ്പാക്കുക. ക്ലെയിം നിരസിക്കൽ തടയാൻ ശ്രദ്ധിക്കേണ്ട പ്രധാന കാര്യങ്ങൾ താഴെ പറയുന്നു.
- നിങ്ങളുടെ പോളിസി പൂർണ്ണമായി മനസ്സിലാക്കുക. കവറേജ് പരിധികൾ, കിഴിവുകൾ, ഒഴിവാക്കലുകൾ, നിങ്ങളുടെ ഇൻഷുറൻസ് ചെയ്യുന്നതും കവർ ചെയ്യാത്തതുമായ കാര്യങ്ങൾ എന്നിവ അറിയുക.
- പ്രീമിയം പേയ്മെന്റുകൾ കാലികമാണെന്ന് ഉറപ്പാക്കുക. പേയ്മെന്റിൽ വീഴ്ച വരുത്താതിരിക്കുക.
- വിവരങ്ങൾ (അപകടം, സംഭവം) ഇൻഷുറൻസ് ദാതാവിന് ഉടൻ റിപ്പോർട്ട് ചെയ്യുക.
- ക്ലെയിം ഫയൽ ചെയ്യുമ്പോൾ പൂർണവും കൃത്യവുമായ വിവരങ്ങൾ നൽകുക. സംഭവസ്ഥലത്ത് നിന്നുള്ള ഫോട്ടോകൾ, പോലീസ് റിപ്പോർട്ട്, സാക്ഷികൾ എന്നിവയും സമർപ്പിക്കുക.
- നിങ്ങളുടെ വാഹനം നന്നായി പരിപാലിക്കുകയും അറ്റകൂറ്റപ്പണികൾ കൃത്യമാണെന്നും ഉറപ്പാക്കുക. ഇതിന്റെ രേഖകൾ സൂക്ഷിക്കുക.
- എല്ലാ ട്രാഫിക് നിയമങ്ങളും പാലിക്കുന്നുണ്ടെന്ന് ഉറപ്പാക്കുക. അമിതവേഗത വേണ്ട. മദ്യപിച്ച് വാഹനമോടിക്കരുത്.
- കാർ ഇൻഷുറൻസ് പോളിസിയിലെ ഒഴിവാക്കലുകളെക്കുറിച്ച് അറിഞ്ഞിരിക്കുക. വാണിജ്യ ആവശ്യങ്ങൾക്കോ, മനഃപൂർവമായ കേടുപാടുകൾക്കോ ക്ലെയിം ലഭിക്കില്ല.
- മോഷണം, പ്രകൃതി ദുരന്തങ്ങൾ, നശീകരണ പ്രവർത്തനങ്ങൾ എന്നിവയുൾപ്പെടെ നിരവധി സംഭവങ്ങൾ ഉൾക്കൊള്ളുന്ന സമഗ്രമായ കാർ ഇൻഷുറൻസ് വാങ്ങുക.
Small Scale Enterprise: കുറഞ്ഞ മുതൽമുടക്കിൽ വീട്ടിൽ തുടങ്ങാൻ പറ്റിയ കിടിലൻ സംരംഭം
